Rusuahnyo hati di malam langang
Bayang-bayang bulan talampok awan
Bintang pun anggan mambari tarang
Lah jaleh tando turunnyo hujan
Adiak sayang jo a lah den rintang
Rindu rindu hati nan acok datang
Samantaro Adiak lah mulai anggan
Lah jarang datang jo kirim pasan
Bulan walaupun hilang malam ko
Bintang walau tak tarang malam ko
Bia, biakan Denai batanggan
Den ganggam cinto di kalam malam
No comments:
Post a Comment